特朗普與香港有段情

年輕嘅Trump到香港，新世界創辦人鄭裕彤帶埋老友明嘉福嘅女明美蓮見Trump。

大家都知Trump係一個商人，主要搞地產起家。

1994年，Trump因為地產泡沫爆破，搞到自己就破產。當時佢起緊曼哈頓河畔南區嘅項目，但係因為財困，無辦法繼續落去。

當年Trump就向香港班富豪求救，結果新世界嘅鄭家純，即係鄭裕彤嘅仔，同有上海姑爺之稱嘅羅康瑞決定出手做白武士收購Trump喺曼哈頓嘅地皮。

當然，香港班富豪邊到有錢搵就去邊。今次鄭家純同羅康瑞叫Trump來香港邊打golf 邊傾，開價一個洞1000美金，但當時已經就破產嘅Trump就提出不如100美金算；之後大家到鄭家純屋企食飯，傳聞當時鄭家純將一碟連魚頭嘅蒸魚，放喺Trump面前，外國人當年覺得連魚頭好核突，所以唔肯食，年少輕狂嘅Trump覺得兩位富豪特登「輕視」佢，所以懷恨在心。

因為Trump等錢用，三方最後都達成合作，而且一直相安無事。直到2005年，美國地產巿道再次火熱，羅康瑞同鄭家純決定出售曼哈頓地產項目，出售價破該區紀錄，兩人大賺17.6億美金。

不過，一直懷恨在心嘅Trump提出控告，認為鄭家純同羅康瑞無通知佢，要求賠償10億美元，並阻止鄭家純同羅康瑞投資美國銀行嘅計畫。美國法庭最後判Trump敗訴，不過Trump並無任何損失。

之後羅康瑞將股份賣給新世界，新世界再將所有股份賣給Varnado Realty Trust，自此同Trump結怨。

十幾年後，當時班香港富豪都諗唔到，trump會成為美國總統，所以佢哋都好驚Trump會復仇，依家班香港富豪可能仲驚。

~ 完 ~